Capitalismo cognitivo

De WikiDerriba

Proceso mediante o cal a subxectividade entra a formar parte da producción capitalista de mercadoría. Esta vinculación fundamental da subxectividade á producción, esta intromisión, captura, do aparello productivo no máis íntimo e até inconsciente da nosa constitución, da constitución do cidadán, marca un novo sistema socio-laboral, e co mesmo, pon en marcha ou consuma, a instauración da biopolítica. Fronte ao sistema de produción fordista, a maquinaria post-fordista pon o acento nas relacións de produción, na nosa capacidade re-interpretativa das situacións e xoga precisamente con ese capital especulando sobre o mesmo. Especúlase polo tanto coa nosa capacidade cognitiva e se ata a mesma as condicións de rendabilidade e eficacia antes exclusiva da esfera puramente material e industrial clásica.

As consecuencias disto poden ser tanto positivas como negativas; ou ben, quizais sexa posíbel xogar coa súa negatividade. Este xogo, ou esta contraefectuación do xogo tipicamente post-fordista nos leva directamente ao asunto da produción cultural e á potencia cognitiva da multitude (para uns: Negri...), ao replantexamento tecnolóxico da teoría e as súas virtualidades comunitarias.